ខ្លាចហើយចិត្តប្រុស

- ទុក្ខអើយ ទុក្ខខ្ញុំ មហាធំធេង
កើតទុក្ខម្នាក់ឯង ចម្បែងឱរា
ខ្លាចហើយចិត្តប្រុស ល្បិចកលឫស្យា
ជឿលង់ចិន្តា ស្មានថាគេស្មោះ ។
- បងមានប្រពន្ធ ថែមមានទាំងកូន
តាមលន់តួអូន ប្រាប់ស្ងួនកម្លោះ
ស្រឡាញ់ភក្ដី គ្មានថ្ងៃបង់បោះ
ប្រាថ្នារួមរស់ ជាប្រពន្ធប្ដី ។
- សែនឈឺចិត្តណាស់ ប៉ះប្រុសទុយ៌ស
គ្មានទំនួលខុស ត្រូវលើរូបស្រី
ប្រលោមបានចិត្ត នែបនិត្យមេត្រី
ប្រែប្រួលដោះដៃ វិលរកគូចាស់ ។
- ខ្ញុំសូមស្មារលា កុំឲ្យជួបទៀត
បន់ផ្សងគ្រប់ជាតិ ឃ្លាតស្នេហ៍វិបល្លាស
យល់តែស្នេហា ចិន្តាល្អល្អះ
ចៀសឆ្ងាយ កុំប៉ះនឹងប្ដីគេអើយ...។/
និពន្ធដោយ៖ ផែន សុផល